Autoritetet greke kanë arrestuar bashkëshortin e 62-vjeçares që u gjend e pajetë brenda banesës në lagjen “Gyzi” të Athinës.
I moshuari është arrestuar pasi nuk kishte dokumentacion të rregullt për të qëndruar në Greqi.
Sipas policisë greke, viktima kishte plagë dhe shenja dhune. Sakaq, pritet që ekspertiza mjeko-ligjore të nxjerrë në dritë shkaqet e vdekjes së viktimës.
Fqinjët e çiftit janë shprehur se i shoqi i 62-vjeçares ishte një person që pinte shpesh dhe se zënkat mes tyre ishin të shpeshta kohët e fundit.