Një Jet Ski i Policisë Kufitare është përplasur me një Jet Ski tjetër në brigjet e Vlorës.
Policia njoftoi se autoritetet kishin marrë njoftim se një turist me kanoe kërkonte ndihmë dhe për këtë arsye efektivët e Policisë Kufitare u nisën drejt vendit të ngjarjes.Por gjatë lundrimit mjeti i policisë u përplas me Jet Ski-në tjetër ku ndodheshin dy persona. Si pasojë, drejtuesi i saj, mori dëmtime të lehta.
“Nën drejtimin e Prokurorisë, po kryhen veprimet procedurale, në bashkëpunim me AMP, për zbardhjen e plotë të rrethanave të ngjarjes”,njoftoi policia.
Kujtojmë se gjatë sezonit turistik të këtij viti janë shënuar disa incidente në det, ku disa prej tyre patën pasoja tragjike për jetën e turistëve.