Helmimi i 11 nxënësve të shkollës 9 vjecare “Shefqet Tanci” nuk është zbardhur ende nga Policia e Bulqizës. Hetuesit kanë sekuestruar detergjentët, sapunët, parafinën dhe sende të tjera me të cilët fëmijët po ndërtonin objekte të ndryshme në orën e vizatimit.
Dyshimet e para janë se fëmijët nuk i kishin larë duart pas përgatitjes së objekteve dhe ka gjasa që të jenë helmuar për shkak të konsumimit të detergjentëve. Ndërkohë besohet se ndonjë reaksion kimik mund të ketë ndodhur gjatë përpunimit të materialeve.
Janë marrë në pyetje mësuesit, drejtuesit e shkollës dhe nxënësit për të zbardhur të vertetën e ngjarjes. Fatmirësisht 11 fëmijët kanë lënë spitalin lokal dhe ndodhen jashtë rrezikut për jetën.