Ministër i Shtetit dhe deputet i Kuvendit të Shqipërisë, Taulant Balla ka reaguar për ndarjen nga jeta të gazetarit të njohur Artur Zheji. ”Shumë, shumë i trishtë lajmi për ndarjen e parakohshme të gazetarit Artur Zheji. U prehsh në paqe mik”, shkruan Balla.
Në një reagim nga qelia, në rrjetet sociale, kreu i bashkisë së Tiranës, Erion Veliaj i shpreh ngushëllimet familjarëve pas vdekjes së parakohshme të Artur Zhejit. “Një intelektual i spikatur, një mendje kritike dhe një gazetar kalibri”, kështu e ka cilësuar Artur Zhejin.
Postimi i plotë nga Veliaj
Lajm fort i hidhur ndarja nga jeta e Artur Zhejit!
Ngushëllime familjes, të afermve, miqve e kolegëve për humbjen e rëndë të gazetarit dhe publicistit të shquar, që i dha shumë medias shqiptare nga vitet ‘90 e deri sot.
Arturi ishte një intelektual i spikatur, një mendje kritike dhe një gazetar kalibri që do t’i mungojë shumë publikut.
Prehu në paqe mik i mirë!