Polonia është vend fqinj me Ukrainën dhe gjitashtu është një nga shtetet që po i vjen më shumë në ndihmë asaj. Nga sa njofton qeveria polake, plot 100 mijë shtetas ukrainas kanë shkuar në Poloni për t’u larguar nga ferri i luftës në vendin e tyre.
Zëvendësministri i Brendshëm Pavel Szefernaker informoi se shumica e të ardhurve ishin gra dhe fëmijë, por edhe burra jashtë grupmoshës 18 deri në 60 vjeç të cilët përballen me rekrutimin në Ukrainë.
”Për shkak të bllokimeve të gjata të trafikut në anën ukrainase, Polonia ka vendosur gjithashtu të hapë të gjitha pikat kufitare për këmbësorët”. Trajtimi i refugjatëve nga pala ukrainase po ngadalësohej sepse lufta po shkakton prishje në sistemin operativ të përdorur nga rojet kufitare ukrainase. ”Polonia është në gjendje të përpunojë deri në 50 000 refugjatë nga Ukraina në kufi çdo ditë, tha ai.