Mendohet se qeveria polake do të paraqesë idenë e një misioni paqeruajtës në Ukrainë në samitin e ardhshëm të NATO-s dhe Këshillit Evropian. Këtë e deklaroi vetë zëdhënësi i qeverisë polake, Piotr Mueller.
Mueller theksoi se ky nuk është një mision që duhet të hyjë në konflikt të drejtpërdrejtë me Moskën.
“Ai duhet të instalohet në vende që aktualisht nuk janë të okupuara nga Rusia për të dërguar një sinjal të qartë se ne nuk pajtohemi me krimet e luftës”, u shpreh ai.
Deri më tani tentativat për të arritur një marrëveshje mes Ukrainës dhe Rusisë kanë dështuar, ndërsa palët e treta po përpiqen të ndërhyjnë që të gjendet një zgjidhje për ndalimin e luftës.