Një portier 21-vjeç, i cili ishte pjesë e Ituanos në Brazil, është gjendur pa shenja jete në shtëpinë e tij.
Jian Kayo Gomes Soares, i cili kishte realizuar ëndrrën e tij duke qenë pjesë e një skuadre profesioniste, prej pak ditësh ai nuk kishte marrë pjesë në stërvitje, ndërsa të afërmit ishin shprehur të shqetësuar për gjendjen e tij.
Pasi shkuan në shtëpi, atë e gjetën të vdekur. Një lajm tragjik ky për futbollin brazilian që humb një portier, që vlerësohej si talent.
Kayo kishte nisur të luante futboll në vitin 2015, kur ishte 13 vjeç. Në vitin 2021, ai u transferua tek Ituano. Me U-20 fitoi titullin kampion dhe paraqitjet e mira bënë që të provohej edhe në ekipin e parë.
