Në krye të 40 ditëve kur Guljemi ka humbur mamanë, i është drejtuar “Ka një mesazh për ty” në televizionin Klan që të plotësojë amanetin e saj. Në ditët e fundit të jetës, kur po përballej me sëmundjen e kancerit, ajo i kishte shprehur dëshirën të birit që të ishte pjesmarrëse në emision. Por duke e parë gjendjen e rënduar shëndetësore, i kishte thënë që këtë t’a bënte me dy motrat e tij Elona dhe Arjola. Gjatë ditëve të fundit, Guljemit i ka dalë disa herë në ëndërr e ëma duke i thënë sërish këtë gjë por edhe për t’u kujdesur për motrat. Këto të fundit kanë shpërthyer në lot kur kanë parë që matanë murit në studion e programit, qëndronte vëllai i tyre. Ai u ka premtuar se do kujdesej për to deri në fund të jetës dhe do vazhdojnë të qëndrojnë të bashkuar, ashtu siç ka dashur mamaja e tyre. Më herët Guljemi ka treguar lidhjen e ngushtë me të ëmën dhe faktin që i është bërë krah që në moshën 14 vjeçare për shkak se babai ishte vazhdimisht i alkolizuar. Por kohëve të fundit ajo kishte gjetur forcë edhe tek besimi i saj i krishterë gjë e cila e kishte ndihmuar edhe për t’a përballuar shpirtërisht sëmundjen e rëndë.
Një moment prekës ka qenë ai kur në studio është paraqitur Lani, i fejuari i Elonës me një tufë lule në dorë. Ai ka shprehur dëshirën që pas emisionit të shkojnë dhe t’ia çojnë ato lule nënës së ndjerë e cila me siguri do i gëzohej faktit që e bija po martohet.
Postime te ngjashme
Add A Comment