Presidenti serb Aleksandar Vuçiç ka bërë premtimin se do të hidhet në pishinë i veshur me kostum nëse në muajin qershor merr një lajm të mirë që i referohet investimit në Serbi.
“Unë premtoj se do të hidhem në pishinën e Tasmajdanit me kostum nëse e marrim atë lajm në qershor. Ky lajm është shumë i rëndësishëm edhe pas kësaj, mund të them se e mbarova punën time për Serbinë,” tha Vuçiç në intervistën e tij për një emision në TV Prva.
Në gjysmën e dytë të qershorit pritet të marrë përgjigjen që lidhet me investimin e një prodhuesi makinash në Serbi, por nuk e sqaron për çfarë bëhet fjalë konkretisht.
Kjo vjen pas pakënaqësisë së punëtorëve të Fiat-it. Ata janë të pakënaqur me ofertën e kompanisë. Sipas Vuçiç, do të ndihmojnë punëtorët dhe do të arrijnë kontrata të reja tepër të suksesshme në mënyrë që asnjë kompani private të mos u thotë se çfarë të bëjnë. Presidenti serb tha se një pjesë e punëtorëve duhet të shkojnë jashtë vendit për trajnim, siç ndodh në pothuajse të gjitha fabrikat e tjera të reja në Serbi.