në konferëncën e përbashkët me presidentin Begaj, kreu i shtetit të Azerbajxhanit, Ilham Aliyev, tha se vendi i tij është i gatshëm që të ndihmojë Shqipërinë sa i përket infrastrukturës për gazin. Po ashtu ai theksoi edhe se TAP do dyfishojë kapacitetet.
“Jam në një vizitë për herë të parë. Jam besim plotë se kjo vizitë do i japë një shtysë të fortë marrëdhëniet ndërmjet Azerbajxhanit dhe Shqipërisë. Dialogu politik ka horizonte të mira dhe një dinamikë shumë të mirë. Shpresoj që të diskutojmë shumë çështje.
Sa i takon furnizimit me gaz, vendet tona kanë bashkëpunuar me shumë sukses për gazsjellësin TAP. Ka pasur një takim të Këshillit të 1000 përfaqësuesve të gazit. Gazi natyror po i kontribuon sigurisë energjetike të Europës. Nënshkruam memorandumin e bashkëpunimit për bashkëpunimin strategjik. Kemi planin të dyfishojmë vëllimin me gaz për Europën. Ky gaz do të kalojë përmes Shqipërisë dhe do t’i japë kontribut shtesë Shqipërisë.
Mendoj që dy gazsjellëset që janë pjesë përbërëse e korridorit të gazit mund të diskutohen. Zyrtarët e BE-së po na njohin e vlerësojnë si një partner i besueshëm. Vendi ynë kërkon që të ndihmojë për infrastrukturën e gazit në Shqipëri. Azerbajxhani është i gatshëm që të investoje në infrastrukturën e gazit në Shqipëri”.