Presidenti i Shqipërisë, Bajram Begaj vijon edhe këtë të martë vizitën e tij në Kosovë. Kreu i shtetit pritet që të ketë takime me liderët e opozitës në Kuvendin e Kosovës, ndërsa në axhendë është parashikuar edhe një takim me komandantin e KFOR në Kosovë.
Si kreu i Forcave të Armatosura Shqiptare, Begaj rreth mesditës do të takojë edhe ushtarakët shqiptarë që shërbejnë nën ombrellën e KFOR në Kosovë.
Bajram Begaj nisi të hënën vizitën e parë zyrtare në Kosovë. Kreu i shtetit u prit fillimisht nga presidentja e Kosovës, Vjosa Osmani. Dy homologët paralajmëruan nënshkrimin e një traktati të përbashkët për të mbrojtur njëri tjetrin nga rreziku.