Ndryshimet e shpeshta të ligjeve fiskale dhe moskonsultimi nga qeveria me biznesin para hartimit vijon të jetë shqetësim për sipërmarrjen vendase. Presidenti I Dhomës Amerikane të Tregtisë, Enio Jaçe sot gjatë analizës vjetore ngriti shqetësimin që po has biznesi në përballje me legjislacionin shqiptar.
Kreu i Dhomës Amerikane Jaçe adresoi si problem mungesën e konsultimit të ligjeve nga qeveria me biznesin. “Për fat të keq ne vemë re se përmirësimi i legjislacionit në Shqipëri është bërë shumë i vështirë. Shqipëria ka probleme serioze në lidhje me me procesin e konsultimit publik. E thënë pak më thjeshtë administrate publike me përjashtime të rralla nuk respekton ligjin “Për Njoftimin dhe Konsultimin me Publikun”.
Ky ligj në fuqi detyron organin publik, t’i japë palëve të interesuara minimalisht 20 ditë punë për të depozituara opinionin e saj , ose në raste të legjislacioneve komplekse 40 ditë. Në analizën tonë kjo nuk ndodh. Vetëm po të marrim Paketën Fiskale një nga paketat më komplekse ligjiore, ne kemi marrë njoftim nga dy ditë në 18 ditë, por asnjëherë nuk ka përmbushur as pragun minimal të 20 ditëve”, u shpreh Jaço. Kryetari i Dhomës Amerikane u shpreh optimist per potencialin e Shqipërisë për investimet e huaja. Ai vlersoi se “marrëdhëniet e shkëlqyera me SHBA në aspektin politik, ushtarak të sigurisë, etj, Shqipëria I ka të gjitha mundësitë t’I shtrijë edhe në nivelin tregtar.
“Kemi identifikuar elementët dhe parimet kryesore të iniciativës, dhe jemi të përgatitur të bashkëpunojmë me partenrët tanë ndërkombëtarë dhe shoqata biznesi për propozimin e masave konkrete që Shqipëria të kthehet në rajon në vend lider për investime”. Dhomës Amerikane të tregtisë lancoi strategjinë për thithjen e investimeve dhe përmirësimin e klimës së biznesit që synohet të realizohet në 2020. Për sa i përket anëtarësimit të biznesit në këtë dhomë ai deklaroi se numri i anëtarëve është shtuar me 17 për qind në krahësium me një vit më parë.