Presidenti i Këshillit Europian, Antonio Costa gjatë konferencës të përbashkët me kryeministrin Edi Rama, tha ndër të tjera se rezultati i zgjedhjeve konfirmoi edhe një herë dëshirën e qytetarëve shqiptarë për t’u integruar në BE. ”Shqipëria është mishërimi i procesit të zgjerimit të BE-së, duke qenë në rrugën e duhur drejt anëtarësimit në BE. Rezultati i zgjedhjeve këtë javë konfirmoi edhe një herë dëshirën e qytetarëve shqiptarë për t’u integruar në BE”,-tha Costa.
Nga ana tjetër, Costa përgëzoi kryeministrin Rama për fitoren e zgjedhjeve, fitore të cilën e cilësoi si mbresëlënëse. ”Anëtarësimi i Shqipërisë në BE është objektivi ynë i përbashkët dhe këtu nuk bëhet fjalë për nëqoftëse apo sesi, por këtu bëhet fjalë për kur. Ju e dini pikërisht se çfarë dhe ekzaktësisht se çfarë duhet bërë. Dhe ajo që dëshiroj të bëj është që t’ju inkurajoj që sytë t’i mbani drejt këtij objektivi dhe të arrini rezultate të tjera edhe tashmë në fund”, u shpreh Costa.
Presidenti i Këshillit Evropian, përgëzoi edhe Federica Mogherini-n për iniciativën për nismën në bashkëpunim me kryeministrin Rama për çeljen e Kolegjit të Evropës në Tiranë, teksa i uroi mirëseardhjen studentëve të vitit të parë.