Drejtuesi politik i qarkut të Tiranës për PS Erion Veliaj deklaron se Presidenti i ardhshëm i Shqipërisë mund të jetë çdo burrë ose grua që luan rol përbashkues në vend dhe jo si Presidenti aktual i vendit. Duke folur për News 24 para punimeve të Kongresit socialist, Veliaj foli për karakteristikat që duhet të ketë kreu I ri I shtetit. “Secilit i është propozuar që të propozojë tre emra . Kështu që dhe unë jam duke menduar për tre emrat që unë do të propozoj. Por unë besoj që do të duhet të shkëputemi nga një kontekst, nga një situatë ku ne kemi tani ku presidenti I republikës shihet në publik si stërkëmbëshi kryesor i qeverisë.
Bllokohen dekretet, bllokohen ambasadorët. Si përfaqësues I qytetit , si kryetar bashkie më qëllon që të jem shumë në forume ndërkombëtare dhe shumë veta thonë a ka diçka që nuk shkon me Shqipërinë që janë ambasadorët nga 6,7,8 vjet. Fakti që janë krijuar ngërçe të tilla nuk e ndihmon vendin. Fakti që njerëzit janë përçarë në këto 5 vitet e fundit, ndërkohë që duhet të ishte simbol I bashkimit nuk e ndihmon vendin. Fakti që ne kemi krijuar konflikte të panevojshme sidomos me SHBA-, me armiq imagjinarë, me dronë dhe çudira nuk e ndihmon vendin. Kështu që në mendjen time, një president apo president e mirë, se nuk do e përjashtoja që ka ardhur koha dhe për një zonjë president, do të ishte dikush diametralisht i kundër me atë aktualin.
Nëqoftëse Ilir Meta kalon kohë banaqeve gjysmë I dehur duke I shpallur luftë Amerikës, na duhet dikush që i shëron këto plagë dhe ne sillemi si një shtet serioz. Ne nuk mund të jemi aleat kryesorë në nivel kryeministri dhe pastaj në armiq në nivel presidenti. Kjo nuk mund të ndodhë sepse në një vend serioz ka një linjë që ndjek në një marrëdhënie dhe në një raport special. Çdo president burrë apo grua që është diametralisht I kundërt me këto lloj anomalish, do e sillte në normalitet edhe institucionin që kemi në anën tjetër të bulevardit”, deklaroi Veliaj.