Presidenti Ilir Meta do të mbledh ditën e sotme Këshillin e Sigurisë në orën 12:00.
Në kushtet kur vendi gjendet në kushtet e fatkeqësisë natyrore si pasojë e pandemisë COVID-19, dhe numri i të prekurve ka arritur në 123, rakordimi i punës në institucione bëhet online.
Në fokus të mbledhjes pritet të jetë situata në vend me përhapjen e koronavirusit, masat e marra nga qeveria si dhe plani ekonomik që do t’i vijë në ndihmë qyetarëve e veçanërisht shtresave më vulnerabël të shoqërisë, që me mbylljen e përkohshme të pjesës dërrmuese të aktiviteteve, e kanë të vështirë jetesën në kushtet e karantinimit.
Burime për Tirananews.al bëjnë me dije se edhe mbledhja e Këshillit të Sigurisë Kombëtare, thirrur nga Presidenti Meta do të zhvillohet online
Në mbledhjen e Këshillit Kombëtar të Sigurisë marrin pjesë:
1-Presidenti
2-Kryeministri
3-Kreu i Kuvendit
4-Kreu i SHISH
5-Kryeprokurori
6-Kryetari i komisionit të Sigurisë
7-Kryetari i opozitës
8-Ministri i Drejtësisë
9-Ministri i Mbrojtjes
10-Ministri i Brendshëm
11-Ministri i Ekonomisë dhe Financave
12-Ministri i Energjetikës
13-Ministri i Shëndetësisë
14-Ministri i Arsimit
15-Drejtori i Policisë së Shtetit
16-Drejtori i Emergjencave Civile