Presidentja e Komisionit Europian, Ursula von der Leyen, ka bërë thirrje për shtetet e BE-së që të heqin masat shtrënguese anti-COVID për qytetarët e Ballkanit Perëndimor.
Sipas saj, situata me pandeminë në këtë zonë është e qëndrueshme, ndaj udhëtarët e Ballkanit Perëndimor nuk përbëjnë rrezik për shtetet europiane.
“Numri i rasteve me Covid-19 është ulur ndjeshëm. Të gjitha vendet e Ballkanit Perëndimor janë në listën e partnerëve për të cilët ndalimi i udhëtimit duhet të hiqet. Certifikata EuCovid do të lehtësojë udhëtimin mes vendeve tona. Financimet e BE janë të vlefshme për të ngritur sistemet e nevojshme në rajon”, shkruan Von Der Leyen.