Presidentja e Kosovës, Vjosa Osmani është shprehur se si asnjëherë më parë, se Kosova e pavarur po përballet me sfidën më të madhe, me kërcënime për sigurinë e kombit. Osmani tha se Serbia është një fqinj agresiv që vazhdon me logjikën për të zhdukur nga faqja e dheut Kosovën.
“Kosova po përballet me sfidimin më të madh të sigurisë, e them se kur kemi përballje me sfida të tilla, agresion të përditshëm nga ana e një fqinji agresiv që vazhdon me logjikën e zhdukjes sonë nga faqja e dheut, është detyrim që interesat kombëtare të jenë para së gjithash”, tha Osmani.
Ajo hodhi akuza të forta në drejtim të presidentit serb Vuçiç, duke thënë se në bashkëpunim me Vladimir Putin, duan destabilizimin e Ballkanit Perëndimor, e për rrjedhojë synon atakimin e vlerave të NATO-s dhe BE-së.