Ministrja e Energjetikes dhe Infrastrukturës, Belinda Balluku ka folur për vendimin për të autorizuar Avokatin e Shtetit që të kontraktojnë një studio ligjore ndërkombëtare, e cila do të mbrojë interesat e palës Shqiptarë në marrëveshjen kocensionare për aeroportin e Rinasit.
Balluku ka thënë se pas grabitjes që ndodhi në Rinas, kërkesa për një studio ligjore ndërkombëtare i shërben vendit që të skanojë këtë kontratë, e cila sipas sajë është problematike.
Por ministrja ka thënë se ky vendim nuk do të thotë që kontrata do të zgjidhet me palën kineze.
“Përsa i përket një kontrate konsulece që Avokati i Shtetit ka aplikuar për zgjidhjen e problematikës që ne kemi me kontratën koncensionare, kemi të gjithë të drejtën si shtet të aplikojmë për ta pasur mbështetje ligjore nga studio të njohura ndërkombëtare dhe kjo nuk përkthehet as në zgjidhje të kontratës koncensionare dhe as në vazhdim.
Ne kemi kërkuar një mbështetje ligjore për t’a sonduar dhe skanuar atë kontratë e cila është problematike për të gjithë partnerët që operojnë në aeroport, edhe për policinë e shtetit, edhe për shtetin shqiptar, nga njëherë dhe për cilësinë e shërbimeve që ju ofrohet qytetarëve atje.
Kështu që nuk ka asgjë të fshehur prapa kërkesës së Avokatit të Shtetit për mbështetjen nga një studio ligjore ndërkombëtare përsa i përket kontratës së koncensionit, thjesht ne po marrim masat maksimale për t’u ofruar të gjithë udhëtarëve shqiptarë por dhe atyre të huaj të cilët janë mbi 6 milionë turist në vitin e shkuar dhe presim dhe një rritje, kështu që ata meritojnë të gjithë fokusin e qeverisë shqiptare”, ka thënë Balluku.