Big Brother Vip, episodi i datës 10 janar është fshirë nga kanalet zyrtare të Top Channel dhe nga faqja zyrtare e Big Brother Vip Albania në internet.
Për kujtesë, në spektaklin e datës 10 janar pamë sesi produksioni “kryqëzoi” Luizin për një bisedë të tijën me Kiarën, ku këngëtari pohoi se kishte një sëmundje të pashërueshme. Pas kësaj, versioni i Luizit në dhomën e rrëfimit ndryshoi, teksa ai u përball me epitetin e thënë nga të gjithë, përfshi opinionistët në studio se ishte një gënjeshtar dhe se kreu një veprim të ulët. Me urgjencë dhe live, Luizi u dërgua në spitalin “Shefqet ndroqi”, ku gati brenda 1 ore mori dhe përgjigjet e analizave të tij, ku sipas mjekes e cila foli live këngëtari nuk vuan nga ndonjë sëmundje e rrallë apo e pashërueshme.
Nga ana tjetër, pas rikthimit nga spitali në shtëpi, Arbana gati e urdhëroi Luizin mos ta zinte më në gojë muhabetin e sëmundjes së tij, sepse siç tha ajo “ai është shumë mirë, vetëm do pijë ca antibiotik”. Gjithë ky episode ka shkaktuar një stuhi në rrjet, duke e akuzuar Big Brother se ka shkelur rëndë një nga parimet më të shenjta që ka të bëjë me privatësinë e analizave apo të gjendjes shëndetësore të një pacienti. Mjekë të tjerë komentuan se është shkelur betimi i Hipokratit nga mjekja që ia dha analizat e Luizit gjithë shqiptarëve.
Shou “kundër Luizit” duke se ka bërë efektin “boomerang”, pasi fansat në rrjet duket se kanë mbështetur në masë Luizin. Në këto kushte, produksioni ka vendosur ta fshijë fare nga Youtube pjesën e datës 10 janar.