Mazhoranca është tërhequr nga votimi që do bëhej pasnesër (24.09.2020) për Pr.Ligjin e Amnistisë Fiskale, ose siç u quajt ndryshe “legalizimi i pasurive të padeklaruara”, të vendosura gjatë 30 viteve të fundit.
Sipas qeverisë, ky draft nuk është shqyrtuar plotësisht, pasi janë mbledhur kërkesat nga grupet e interesit. Në rendin e ditës së seancës së kuvendit më 24 shtator ky ligj nuk figuron për diskutim.
Amnistia fiskale u shty me vetë kërkesë të qeverisë nga muaji korrik për t’u diskutuar në shtator dhe deri tani nuk është shqyrtuar plotësisht si draft.
Kujtojmë që Amnistia Fiskale u kundërshtua nga FMN dhe Komisioni Evropian si dhe dhomat e tregtisë e shoqatat e bankave në vend.