Shqiponja (Aquila) Telhaj, presidente e Këshillit të Akreditimit në Agjencinë për Sigurimin e Cilësisë në Arsimin e Lartë, ka reaguar për hetimet në Itali për skandalin e shitjeve të diplomave false në Universitetin Wisdom.
Teksa hedh poshtë lajmet, ajo thotë se nuk ka pranuar kurrë dhuratë nga asnjë përfaqësues universitetesh të huaja apo shqiptare. Telhaj pretendon se nuk ka lidhje me dosjen e universitetit Wisdom, si dhe nuk i njeh përfaqësuesit e universitetit.
“Shqiponja (Aquila) Telhaj nuk ka pirë kurrë as edhe një kafe e nuk ka pranuar kurrë asnjë dhuratë nga asnjë përfaqësues i universiteteve të huaj apo shqiptare. Pres që autoritetet zyrtare dhe mediat që kanë përmendur emrin tim pa asnjë fakt në lidhje me dosjen e universitetit Wisdom (përfaqësuesit e të cilit nuk ia kam njohur ndonjëherë) të kërkojnë falje për shpifjet”,-shkruan Telhaj në rrjetet sociale.
Sipas dosja “Immediato”, pronari i Wisdom bashkë me administratorin në date 8 mars 2022, gjatë një darke në Tirane i kanë dhuruar një çantë Louis Vuitton me vlerë 1200 euro Shqiponja Telhaj (shënim në dosje është: Aquila Telhaj) për akreditimin e Wisdom University’.