Teksa ka nisur punën komisioni hetimor parlamentar për shkarkimin e tij ka reaguar edhe kreu i shtetit Ilir Meta përmes një postimi në rrjetet sociale.
Ai thotë se propaganda Anti-President nuk ndihmon sundimin e ligjit. Meta e quan një spostim i vëmendjes nga detyrimi dhe respektimi i dekretit në fuqi të 13 tetorit. Zgjedhjet janë e vetmja zgjidhe thotë kreu i shtetit.
POSTIMI I METËS
Propaganda anti-President nuk ndihmon sundimin e ligjit që është kusht për çeljen e negociatave në 18 tetor nga Bashkimi Europian për vendin tonë. Spostimi i vëmendjes për momentin nga detyrimi për respektimin e dekretit në fuqi të 13 tetorit për zgjedhje gjithëpërfshirëse vendore nuk ndihmon për zgjidhjen e krizës, por ndihmon përshkallëzimin e saj. Kriteret e Kopenhagenit nuk janë shfuqizuar ende nga BE, ndaj respektimi i tyre është i pashmangshëm nëse ka mbetur sadopak vullnet politik për çeljen e negociatave ne 18 tetor. Zgjedhjet janë e vetmja zgjidhje!