Policia e Tiranës ka marrë masa kundër tubimit që do të zhvillohet ditën e sotme përballë kryeministrisë kundër vizitës së kryeministrit serb në Tiranë, Aleksandër Vuçiç.
Në terren do të jenë të angazhuar 600 punonjës policie.
‘Balkanweb’ ka ndarë pamje të autobotëve me ujë që përdoren për shpërndarjen e turmave, teksa ecin përgjatë bulevardit ‘Gjergj Fishta’.
Ndërkohë që nga ana e Policisë së Shtetit janë marrë masa për të ruajtur rendin dhe godinën, duke vendosur kangjëlla metalike në pjesën e parme të institucionit.
Po ashtu janë lyer me graso të gjitha shtyllat, ndërsa duket se kryeministri Edi Rama ka porositur që të largohet edhe kërpudha, e cila ishte vendosur në oborrin e godinës.