”Sot fillojmë. Se kur do të mbarojmë do t’ju themi ditën që do të rrëzohet ky narkoregjim dhe do t’i jepet vendit qeveria teknike”, –thotë sekretari i Përgjithshëm i PD, Flamur Noka nga selia blu. Edhe pse u tregua hermetik për detajet e protestës, Noka tha se të gjithë skenarët janë të mundshëm.
”Të gjitha skenarët do të jenë të hapur. Do t’i diskutojmë dhe do të vendosim”. Ai theksoi se arsyet e protestës mbështeten në prova dhe fakte që ndodhen në duart e drejtësisë.
Po ashtu Noka përmendi dosjen e AKSHI-t, duke akuzuar qeverinë se ka funksionuar si një organizatë kriminale dhe plaçkitëse, ku të dhënat sensitive të shqiptarëve dhe tenderët publikë janë kontrolluar nga krimi i organizuar. Noka nënvizon se ekonomia dhe e ardhmja e vendit janë në rrezik dhe u bëri thirrje qytetarëve për të protestuar.