Operatori i Sistemit të Shpërndarjes deklaroi sot se “në bazë të projektit të Bankës Botërore në qarkun e Fierit sikurse dhe në disa qarqe të vendit po instalohen matësit e rinj elektronikë. Në Fier janë përllogaritur 6 mijë matës, ndërsa në Povelçë rreth 100”.

Duke reaguar lidhur me protestën e sotme në Povelçë të Fierit të organizuar nga dega e Partisë Demokratike, OSHEE sqaroi sen “aktualisht janë vendosur rreth 4 mijë matës në këtë qark. Banorëve u është thënë se nuk do të ketë më matës induktivë ndaj faturimi për periudhën e vendosjes së matësit do të jetë faturë referuese, e cila në muajt në vazhdim do të sistemohet nëse u është vendosur më shumë sesa kanë konsumuar realisht”.

“Zyrtarisht në drejtorinë rajonale të OSHEE Fier nuk ka asnjë ankesë për mbifaturim”, – shprehet OSHEE.

Banorë të Povelçës në Fier protestuan sot kundër OSHEE- së për faturat e energjisë pas ndërrimit të matësve të energjisë.

PËRGJIGJU

Please enter your comment!
Please enter your name here