Këtë të mërkurë, protesta e pedagogëve është organizuar në një forum të hapur me pedagogë e studentë, në vazhdim të bojkotit të tyre për kërkesat drejtuar qeverisë. Ata janë shprehur se do të prezantojnë një platforme universitetare për ndryshimin e universitetit, që kanë si qëllim përmirësimin e cilësisë së arsimit por jo vetëm.
Mimoza Hafizi, pedagogia në Fakultetin e Shkencave të natyrës, ish-deputete socialiste shprehu shqetësimet e dukshme në sistemin e arsimit të lartë. “Të mos qëndrojnë më shumë se një mandate rektorët, dekanët, administratorët. Duhet të jenë poste kalimtare, jo si sot që po cënojnë cilësinë e arsimit”.
Universiteti Politeknik dhe Fakultetii i Shkencave të Natyrës vazhdojnë stoik në bojkotin e mësimit.