Presidenti turk Rexhep Tajip Erdogan ka sulmuar komitetin LGBT gjatë një deklaratë që po mbante për të rinjtë. BBC shkruan se Erdogan gjatë një fjalimi ka mbajtur për protestat e studentëve që po ndodhin në vend ka thënë se të rinjtë duhet të jetë e ardhmja e vendit dhe si rinia që ekzistonte në të kaluarën. Më tej, Presidenti turk tha se rinia turke nuk është si rinia e LGBT-së dhe nuk kryejnë akte vandalizimi. Erdogan gjithashtu tha se komuniteti LGBT ka humbur vlerat kombëtare dhe shpirtërore, si dhe duan të helmojnë të rinjtë e tjerë.
“Ne do t’i sjellim të rinjtë tanë në të ardhmen, jo si rinia LGBT, por si rinia që ekzistonte në të kaluarën e lavdishme të kombit tonë. Ju nuk jeni rinia LGBT, jo rinia që kryeni akte vandalizmi. Përkundrazi, ju jeni ata që riparoni zemrat e thyera. LGBT ka humbur vlerat tona kombëtare, shpirtërore si dhe duan të helmojnë të rinjtë”,ka thënë Erdogan.