Pak minuta para se të nisë protesta e thirrur nga Partia e Lirisë e drejtuar nga Ilir Meta, Ambasada Amerikane i ka bërë thirrje qytetarëve të saj që të shmangin vendet ku do të ketë grumbullime. Në mesazhin e saj, ambasada thekson se situata mund të ndryshojë.
“Qytetarët amerikanë këshillohen të shmangin tubimet e mëdha. Ndërsa shumë ngjarje të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit”, thuhet në njoftimin që bëhet sa herë ka ka protesta të tilla.
