Kreu i grupit parlamentar i PS-së, Taulant Balla u shpreh se nuk e kupton qëllimin e protestës që do të mbahet sot para Kuvendit nga PD-ja e Berishës.
“Shqipëria ka ca tradita dhe pas dështimit të protestës, revolucionit të ditës së shtunë në Shqipëri në këto raste bëhen dhe të tretat, sot janë të tretat. Nuk e di për çfarë arsye duhet protestuar te Kuvendi apo meqë revolucioni ia doli të shtunën dhe rrëzoi regjimin”,-tha Balla për gazetarët.
Balla u ka thënë deputetëve që të jenë prezent në parlament që në orën 16:30 për të mos patur përplasje me protestuesit, të cilët do të mblidhen në 17:00 para parlamentit. Gjithashtu ai ka porositur deputetët që në rast bllokimi të foltores nga demokratët, socialistët do të largohen nga Parlamenti.
Nga ana tjetër, Balla është shprehur se mocioni me debat i opzitës dhe kryeministrit Edi Rama do të zhvillohet në një nga të enjtet e ardhshme. Balla garantoi se i pranishëm do të jetë edhe Rama ndërsa shtoi se ditën e sotme nuk do të jetë i pranishëm për shkak të një vizite të rëndësishme të homologut të tij bavarez.
Pyetje: Jeni akuzuar shumë kohët e fundit nga kryedemokrati Sali Berisha, keni një përgjigje për të?
Taulant Balla: Po, meqë doje ta shtroje dhe këtë çështje, të enjten mbahet senaca e parë, nëse ai njeri u qëndron atyre akuzave, të vijë në GJKKO të enjten. Unë e kam thënë gjithmonë, ky është ilaçi i vetëm. Të bëri tjetri një akuzë, hidhe në gjyq. Ja ta shohim të enjten.