Në një prononcim të ditës së djeshme, presidenti serb Aleksandër Vuçiç deklaroi se nuk do t’i vendosë sanksione Rusisë pas pushtimit që kjo e fundit i bëri Ukrainës. Por kjo deklarate e Vuçiç nuk është pritur mirë nga qytetarët serbë të cilët kanë dalë të shumtë në protestë duke bërë thirrje që t’i jepet fund luftës nga Rusia.
Njerëz të shumtë janë mbledhur në qendër të kryeqytetit serb, në një protesttë të organizuar nga grupimi “Gratë në të zeza”.
Qytetarët mbanin pankarta të ndryshme nëpër duar, me mesazhe te cilat i drejtoheshin Rusisë dhe presidentit të saj Vladimir Putin. Në to shkruhej: “Putin, mbaji duart larg Ukrainës”, “Ndal luftën në Ukrainë”, “Gratë në të zeza kundër luftës”, “Putini u çmend”, “Stop Putin, ndalo luftën”.
Përveç pankartave, në protestë është pare edhe flamuri i madh ukrainas si dhe një ngjyrë tjetër e bardhë që simbolizon paqen.
Kjo organizatë e grave nuk ështe e panjohur për ne, pasi kujtojmë se ajo ka protestuar disa herë edhe zbardhjen e fatit të shqiptarëve të pagjetur ende dhe sot që humbën jetën gjatë gjenocidit serb në Kosovë.