Pas trazirave të dhunshme, situata ka qenë shumë më e qetë në natën mes 2-3 korrikut në Francë, ku shumë qytete të vendit ishin skena e dhunës dhe plaçkitjeve. Në gjithë vendin janë mobilizuar 45,000 xhandarë dhe policë. Dhe mjetet e blinduara të lehta u vendosën në Marsejë dhe në Lion.
Në orën 1:30 të mëngjesit, policia kishte bërë vetëm 78 arrestime në territorin kombëtar, shumë më pak se netët e mëparshme dhe asnjë incident i madh nuk ishte raportuar.
Të dielën në mbrëmje, presidenti Emmanuel Macron mblodhi anëtarët e qeverisë për një raport të situatës, ndërsa sot do të presë presidentët e Asamblesë Kombëtare dhe Senatit e më pas kryetarët e bashkive.