Partia Socialiste ka fituar edhe Vorën me 54% të votave. Fidel Ylli, kandidati socialist që kandidoi në këtë zonë tha gjatë fjalës së tij se falenderon kundërshtarët, Flamurin, Vojon pasi në fund të rezultatit i dhanë dorën njëri-tjetrit.
“Dua të falenderoj kundërshtarët tanë , si Flamurin, si Telitin, si Vojon që në fund të rezultatit ne bëmë një fair play, i dhamë dorën njëri-tjetrit dhe këtë çerfitifikim dhe ky rezultat, dhe ky ishte mesazhi që duhet të japë politika për qytetarët e saj. Pas 20 vitesh ne i kthejmë buzëqeshjen qytetit të Vorës. Dhe për këtë dua të falenderoj qytetarët e Vorës, të gjithë këtë staf të mrekullueshëm që fitorja ishte me një rezultat shumë të thellë, historik për Bashkinë e Vorës. Dua t’ju falenderoj ju kryetar që për një muaj rresht ke ardhur mbi 15 herë në Vorë. Kjo ishte një shtysë e madhe dhe tregonte mesazhin e qeverisë që udhëheqësi politik i gjithë qarkut dha mbështetjen e vet për këtë bashki që për 20 vite e ka pasur PD”, tha ai.