Drejtuesi politik i qarkut Dibër Ulsi Manja zhvilloi një mbledhje me asambletë socialiste në Mat dhe Bulqizë. Përmes një postimi në rrjete sociale, Manja shkruan se PS ka nisur strukturimin e ideve dhe detyrave të Kongresit për rivitalizimin e bazës.”Me Asambletë e Partisë Socialiste në Mat dhe Bulqizë, nisëm strukturimin e ideve dhe detyrave të Kongresit për rivitalizimin e bazës.
PS është një makineri elektorale, por sigurisht si çdo makineri, edhe ajo ka nevojë për përkujdes. Gara e ardhshme është shumë afër. Fitoren nuk e diskutojmë, por fitorja më e madhe do të jetë kur qytetarët jo vetëm të duartrokasin e votojnë, por të jenë bashkëgarues me ne”, nënvizon Manja.