Kreu i Partisë Demokratike në daljen e parë për mediat këtë të hënë bëri thirrje që komisionerët të vijojnë punën sipas ligjit pasi vullneti i popullit është në ato kuti. Ai tha se nuk janë komisionerë të PD që bllokojnë procesin, ndërsa shtoi se sipas projeksioneve aktuale PS ka një rënie.
“Sic e dimë të gjithë qendrat e para që numërohen janë qendra që janë përcaktuar nga partia në pushtet, dhe që janë të partisë në pushtet, Thënë kjo partia socialiste ka humbur thellë numrin e votave të numëruara në tiranë, kudo ku janë hapur këto kuti. Një fitore apo rritje të numrit të votave për PD. Ky është fillimi. Pas kutive që shpresonin ti kishin bastion po qartësisht janë ndëshkuar, ku ishte zona 10 në Tiranë, ku PD ka rritje 30%, apo në zonën e Memaliaj, Këlcyrë e Përmet ku janë ndëshkuar, do të vijë dhe radha e kutive të tjera. Derisa janë ndëshkuar në ato që janë konsideruar bastione, presim që vota për ndryshim të vazhdojë dhe fitorja e Aleancës të konfirmohet në t gjithë vendin. Ata që e dinë fare mirë se me projeksionet aktuale se çfarë e pret në kutitë e tjera, ti lënë lojërat. Janë ata që përpiqen të bllokojnë numërimin në Durrës e kudo tjetër. Le të vazhdojnë numërimin sepse vullneti i popullit është në kuti. Thirrja ime për komisionerët është vazhdoni punën sipas ligjit, vullneti i populli është në ato kuti, numërimi në mënyrë strikte sipas ligjit”, tha Basha.