Sot Presidenti i Republikës Ilir Meta, pas kërkesës që Kryeministri Rama dërgoi në Presidencë për dekretimin e ministrave të rinj, ka dekretuar lirimin nga detyra të ministrave të shkarkuar. Kështu, ministrja e Arsimit Lindita Nikolla, ministri i Bujqësisë Niko Peleshi, ministrja e Kulturës Mirela Kumbaro, ministri i Energjetikës Damian Gjiknuri, ministri i Financave Arben Ahmetaj, janë liruar nga detyra të cilën e kanë mbajtur për 5 vite. Po kështu, Presidenti Meta ka dekretuar shkarkimin edhe të zv/Kryeministres Senida Mesi dhe ministres së shtetit për sipërmarrjen, Sonila Qato. Opozita e vendit nga ana tjetër i ka bërë thirrje Presidentit Meta të mos e dekretojë Ministrin e Jashtëm Gent Cakaj. Deputeti i Partisë Demokratike, Tritan Shehu, u shpreh pak më ditë më parë se “dekretimi i ministrit të ri të Jashtëm, Gent Cakaj, përbën një aventurizëm politik përballë sfidave të rëndësishme të vendit”.
Prej vetëm një viti, ai ka shtetësinë shqiptare, eksperinca e pakët në politikë e diplomaci, pozicionimet e tij kundër Kosovës, pasi është shprehur për ndarjen e saj, si dhe mungesa e çertifikatës së sigurisë për Cakën janë disa nga argumentat.