Shumica e njerëzve mendojnë se nektarinat janë pjeshka. Kjo është e kuptueshme, pasi që të dyja vijnë nga Kina, por ato ndryshojnë në shumë mënyra, përfshirë edhe dukjen: nektarinat janë më të buta se pjeshkët.
JU DHUROJNË ENERGJI
Të gjithë ne kalojmë ndonjë ditë të keqe, kur dëshirojmë të qëndrojmë shtrirë, në gjumë, apo ta ngadalësojmë botën. Nëse dëshironi të kthjelleni, përcaktohuni për nektarin, në vend të kafesë apo ushqimeve të grimcuara.
JANË MOLLË? JANË PJESHKË? JO-JO, JANË NEKTARINAT
Nektarinat janë përplot me antioksidues, sidomos me betakarotinë. Këta antioksidues më vonë konvertohen në vitamina A, që ndihmon në kujdesin për nervat e syve apo të parit në përgjithësi.
JANË TË DOMOSDOSHME PËR SHËNDETIN NË PËRGJITHËSI
Ekziston një arsye e mirë pse gjithmonë jeni udhëzuar të furnizoheni me vitamina C. Është përgjegjës për shumë funksione si në shërimin e plagëve, mbrojtjen e arterieve dhe enëve të gjakut. Një nektarin ju dhuron hiç më pak se 10 mg vitamina C.
JU NDIHMOJNË TË LUFTONI KUNDËR SINDROMËS METABOLIKE
Mbipesha është më shumë se problem i kilogramëve. Ndërlidhet me sindromën metabolike që shton rrezikun për sulm në zemër dhe diabet. Sipas studimeve, nektarinat mund të zvogëlojnë rrezikun për inflamacion kronik dhe parandalojnë dëmtimet që i shkakton kolesteroli i keq.