Në raundin e katërt, kandidati për President është Shefi i Shtabit të Përgjithshëm të Forcave të Armatosura , Bajram Begaj.
Pas publikimit të emrit, kryeministri Edi Rama theksoi se pas shqyrtimit të kandidaturave, u ra dakord që Begaj plotëson kriteret për të qenë President i Republikës së Shqipërisë.
Pyetjes “Përse nuk u propozua një grua nga radhët e PS?”, shefi i qeverisë u përgjigj: “Kemi pasur në pjesën e fundit të diskutimit 3 gra dhe tre burra. S’ka asnjë dyshim që unë jam gjithmonë i prirur të mbështes kandidaturat gra, por s’kemi arritur që të diskriminojmë burrat për këtë arsye. Kemi parë tërësinë e personaliteteve që kemi shqyrtuar”.