Pse të rinjtë zgjedhin të rrezikojnë jetët e tyre dhe të tjerëve duke festuar gjatë pandemisë?

Shumë të rinj jetojnë të sigurt në distancë sociale dhe vendosin maska, por të tjerët kanë injoruar paralajmërimet. Zyrtarët kanë raportuar në të gjithë botën se shumë infeksione të reja janë në mesin e njerëzve nën moshën 35 vjeç, raportoi Holly Secon i Business Insider në fund të qershorit. Zyrtarët kanë nxitur të rinjtë të ndjekin udhëzimet dhe ta marrin më seriozisht pandeminë.
Katër psikologë shpjegojnë se përse të rinjtë nuk ndalojnë së festuari, dhe sjellja e tyre e rrezikshme vjen për shkak të fazës së tyre të zhvillimit.
Shkenca i bën të rinjtë të mendojnë se janë të pathyeshëm
“Tetëmbëdhjetë mund të konsiderohet shënuesi ligjor i moshës madhore në SHBA, por truri nuk ndalet së zhvilluari të paktën në mesin e viteve 20”, tha Katie Lear, një terapiste me qendër në Karolinën e Veriut e specializuar në ankthin dhe traumën e fëmijëve dhe adoleshentëve. “Kjo mund të ndihmojë në shpjegimin pse të rinjtë mund ta kenë të vështirë të mendojnë për pasojat afatgjata të vendimeve të tyre dhe ndikimin e veprimeve të tyre e tjerë, edhe nëse ata janë informuar për rreziqet,” tha ajo.
Socializimi është thelbësor për formimin e identitetit e të rinjve
Socializimi merr një rëndësi të veçantë për të rinjtë. Ata janë në mes të zhvillimit të identitetit, gjë që shpesh ndodh në kontekstin e marrëdhënieve shoqërore. Të qenurit pjesë e një grupi është thelbësore për identitetin dhe vetëvlerësimin e tyre.
Socializimi është gjithashtu një mekanizëm përballimi
Leela Magavi, një psikiatre e fëmijëve dhe adoleshentëve, tha për Business Insider se socializimi ndihmon adoleshentët të arrijnë një ndjenjë normaliteti. Ajo tha që shumë nga pacientët e saj bëjnë festa ose shoqërohen me miqtë e tyre sepse kjo largon vëmendjen e tyre nga zhgënjimi dhe shqetësimi emocional i lidhur me pandeminë. (Business Insider)