Pasi siguroi kampionatin i ndihmuar edhe nga pandemia, PSG ka arritur të fitojë edhe Kupën e Francës mbrëmjen e sotme. Një gol i Nejmar në minutën e 14 vendosi ndeshjen ndaj St Etien dhe i dha kampionëve Kupën e 13 në histori (më shumë se çdokush) dhe të gjashtën në dekadën e fundit, çka tregon edhe një herë dominimin e parizienëve në futbollin vendas gjatë viteve të fundit.
Pjesa tjetër e lojës prodhoi raste për parizienët, por pa mundur të shënojnë golin e dytë. Mbrëmja për kyreqytetasit u njolloz me nuance negative në minutën e 31, kur Perrin ndërhyri shumë ashpër ndaj Mbape. Kapiteni i St Etien del me karton të kuq dhe Mbape dëmtohet e lë fushën mes lotëve. Pak minuta më pas ai shihet teksa lë stadiumin me paterica. /vipsport.al/
KUPA E FRANCËS, FINALE
PSG-St.Etien 1-0
Shënues: Nejmar 14’
