Dalin fotot e para të grabitësve, ndërsa kanë mbërritur në portës hyrëse të aeroportit Nënë Tereza, e njohur si hyrja e zjarrfikëseve, nga ku kanë hyrë më pas në pistë e kanë kryer grabitjen thasëve me para në avion.
Sic duket edhe në fotot e mesiperme, autorët e maskuar kanë prerë të pashqetësuar nga askush, hekurat e portës, për të cilat burimet thanë se iu dashur rreth 60 sekonda kohë e më pas, me furgonin e bardhë me mbishkrimin ‘hetimi tatimor’ kanë hyrë brenda në pistë. Në foto duket një prej tyre të të presë hekurat e derës ndërsa një tjetër, ruan i armatosur me kallashnikov nga jashtë furgonit.
Në më pak se një minutë, grabitësit kanë qenë brenda aeroportit ndërsa i janë afruar avionit, duke përshkruar një pjesë të pistës. Grabitësit të armatosur i janë afruar avionit dhe kanë kryer grabitjen e 10 milionë eurove në pak minuta, ndërsa në avion ndodheshin 160 pasagjerë që prisnin të udhëtonin drejt Vjenës.
Pas grabitjes autorët kanë dalë nga përmes portës nga ana e kundërt e aeroportit, ku sërish kanë prerë hekurat e derës. Në djalje, nga furgoni kanë zbritur tre prej grabitësve për të prerë hekurat.
