Kënga e Kidës dhe Mozzik më në fund është publikuar dhe do të jetë një nga hitet e verës. Rëfreni i këngës PP në fakt ishte i njohur pasi Kida na e kishte prezantuar më herët, por e gjithë kënga është fantastike.
Ajo që na bën përshtypje përveç vokalit të artistëve është edhe fakti se kënga është jo pak po 6 minuta e 30 sekonda e gjatë dhe përbëhet nga dy pjesë: Paranojë dhe Pishmon.
Po ashtu, nuk mund të lëmë pa përmendur as paraqitjen e dy artistëve që si gjithmonë kanë tërhequr vëmendjen e dëgjuesve.
Dyshja ka rezervuar surpriza të mëdha, pasi do publikojnë edhe një tjetër bashkëpunim që e lajmëruan ditën e sotme. Kënga titullohet “Kërkun” dhe të dyja projektet janë pjesë të albumit të tij të ri të Mozzik titulluar “MozzArt”.
Katër vite më parë, Mozzik dhe Kida kanë thyer rrjetin me këngën “Premtimet”, e cila numëron 49 milionë shikime në Youtube.