Policia e Fierit ka vënë në pranga katër persona në sajë të operacionit të koduar “Hamili”, emri i fshatit ku u sekuestrua një sasi prej 100 kg droge.
Të arretuarit ndodheshin në banesën e organizatorit të veprimtarisë kriminale dhe janë arrestuar duke përpunuar drogën. Ndërkohë që hetimet kanë nisur dhe për një tjetër shtetase.
Veç sasisë së drogës policia sekuestroi edhe 1 automatik me 2 krehra dhe 310 fishekë, 2 freskuese që shërbenin për tharjen e bimëve narkotike, 1 pres metalike që shërbente për presimin dhe paketim e lëndës narkotike, 7 palë gërshërë, 1 motoçikletë me targa të falsifikuara e trafikuar nga jashtë vendit, 4 aparate celularë, si dhe disa bimë të dyshuara narkotike të kultivuara në ambientin përreth banesës së 57-vjeçarit.
NJOFTIMI I PLOTE
Fier
Vijon puna intensive dhe kontrolli masiv i territorit, për parandalimin, evidentimin dhe goditjen e veprimtarisë kriminale në fushën e kultivimit dhe prodhimit të kanabisit.
Finalizohet me sukses nga Seksioni për Hetimin e Narkotikëve në DVP Fier, operacioni antidrogë i koduar “Hamili”.
Sekuestrohen armë, drogë dhe municion luftarak.
Vihen në pranga 4 shtetas dhe procedohet penalisht një tjetër.
Në vijim të punës për goditjen e veprimtarisë kriminale në fushën e narkotikëve, specialistët e Seksionit për Hetimin e Trafiqeve të Paligjshme dhe Narkotikëve në DVP Fier, pas informacioneve të marra në rrugë policore dhe një hetimi disajavor, kanë bërë të mundur finalizimin me sukses të operacionit policor antidrogë të koduar “Hamili”, në kuadër të të cilit u bë kapja dhe arrestimi në flagrancë i shtetasve: