Një ditë më parë një 50-vjeçar humbi jetën pasi u rrëzua nga një lartësi. A.G ishte punonjës i një firme ndërtimi që po riparonte parkun e automjeteve në qendrën e prodhimit të naftës Kuçovë.
Fatkeqësisht ai humbi jetën rrugës për në spitalin rajonal të Beratit. Një ditë më pas policia ka arrestuar 59-vjeçarin N.D., drejtuesi teknik i firmës së ndërtimit. Ai akuzohet për shkelje të rregullave të mbrojtjes në punë.
Mësohet se punëtori i ndjerë nuk ishte i siguruar me rripat përkatës kur qëndron në lartësi, siç e kërkojnë rregullat e punës, çka solli pasoja fatale për jetën e tij.
NJOFTIMI
Nga Specialistët e Seksionit për Krimet u bë arrestimi i shtetasit: N.D, 59 vjeç, banues në Patos, me detyrë drejtues teknik i një firme ndërtimi (e cila riparonte parkun e automjeteve në qëndrën e prodhimit të naftës në Kuçovë). Arrestimi i këtij shtetasi u bë pasi më datë 11.03.2019, punonjësi i kësaj firme u rrëzua nga një lartësi dhe për pasojë gjeti vdekjen. Materialet i kaluan Prokurorisë së Rrethit Gjyqësor Berat për veprën penale “Shkelje të rregullave të mbrojtjes në punë”