Për shkak të punimeve që po bën Operatori i Shpërndarjes së Energjisë Elektrike (OSHEE) në Tiranë ditën e nesërme do të ketë kufizime në disa zona.
OSHEE bën me dije se kjo situatë vjen për shkak të ndërhyrjeve të planifikuara në fiderin L4 të nënstacionit Qendër, për të ndërruar transformatorin.
Kufizimet e energjisë elektrike sipas OSHEE do të bëhen në intervalin kohorë 10:00-12:00, ku pa energji elektrike do të mbeten zonat: Zona midis rrugës “Vaso Pasha” pjesërisht, rruga “Brigada VIII” pjesërisht, Bulevardi dhe “Bajram Curri” pjesërisht. V.D/Tirananews/