Ditët e nxehta të korrikut nuk i kanë ndalur punimet në Rrugën e Arbërit. Në segmentin nga Ura e Vashës deri në Qafë Bualli firma zbatuese e projektit të madh vazhdon punën me intensitet. Në këtë segment vijon hedhja e shtresës së dytë të asfaltit duke mundësuar kështu lëvizjen normale të mjeteve. Sakaq specialistët e kanë përqëndruar punën e tyre në sigurimin e skarpatave të rrugës, duke vendosur rrjeta dhe duke e betonuar gjithë rrugën.
Kryerja e ketyre punimeve pengon rënien e gurëve dhe inerteve të tjera në trasenë e rrugës. Mësohet se edhe në runelin kryesor të Rrugës së Arbërit, atë të Xibër Murrizës po punohet me mjete dhe forca të shumta për të mundësuar përfundimin e tij.
Formacionet e brishta në këtë tunel nuk lejojnë punën normale. Është shtuar kujdesi për vijimin e punimeve pa patur probleme për jetën e punonjësve si dhe përfundimin e tij të paktën vjeshtën e këtij viti.