Kryeministri Edi Rama në faqen e tij në Facebook ka publikuar një video teksa merr në telefon qytetarët që kanë shkruar dhe ngritur problemet në platformën e bashkëqeverisjes. Një qytetar nga Fieri i ngriti problemin se deri tani ka punuar në të zezë në një kopsht, por ndryshe nga gruaja, nuk është i siguruar. Për këtë shkak ai pyeti kryeministrin nëse përfiton nga subvencioni i pagës minimale. Kreu i qeverisë i kërkoi që të denonconte ku punonte, ndërsa u bëri thirrje edhe të tjerëve që punojnë në të zezë që të denoncojnë nëse duan të marrin pagën e luftës.
Qytetari: Gruaja po, ndërsa unë nuk jam me sigurime, nuk kam siguri të jap emrin e punës ku punoj
Edi Rama: Gratë janë në rregull në këtë vend, burrat nuk janë….Nëse je punëtor në të zezë nuk mund të jesh skllav, duhet të denoncosh dhe të thuash ku punon.
Qytetari: Unë jam në shtëpi nuk kam dalë nga data 10, sa marr bukën 10 minuta dhe vij. Sa më dhimbset koka ime, edhe të tjerëve nuk duam t’u bëjmë dëm.