Kryeministrja e Finlandës, Sanna Marin vijon që të “pushojë” mediat rozë kudo në lidhjet me videot e fundit dhe për faktin se shfaqet e “shfrenuar”. Ylli i muzikës rock, i cili u filmua duke kërcyer në mënyrë intime me kryeministren ka këmbëngulur se nuk janë në një lidhje dashurie. Olavi Uusivirta thotë se ai dhe Sanna Marin janë thjesht miq dhe asgjë e papërshtatshme nuk kishte ndodhur mes tyre.
Pamjet që u shfaqën të premten treguan dyshen duke kërcyer në orën 4 të mëngjesit në një klub nate të Helsinkit, vetëm pak larg ndërtesës së Parlamentit të vendit.
Videoja shfaqte zonjën Marin, e cila është e martuar Markus Raikkonen, duke mbështjellë krahët rreth këngëtarit. Ai u pa duke i vënë fytyrën në qafë në një moment të videos gjest ky që disa media finlandeze kanë pretenduar se ishte një puthje.
“Ka pasur spekulime në publik për cilësinë e marrëdhënies mes meje dhe kryeministres Sanna Marin. Dorën në zemër mund të them se: Ne jemi miq dhe asgjë e papërshtatshme nuk ka ndodhur. Nuk do të komentoj më publikisht për këtë çështje. Kalofshi mirë”,-sqaroi më tej në një postim në rrjete sociale.