Presidenti rus Vladimir Putin ka urdhëruar truprojat personale të mbledhin jashtëqitjet e tij gjatë udhëtimeve jashtë vendit, në një përpjekje për të ndaluar shërbimet inteligjente të huaj të mbledhin informacione rreth shëndetit të tij.
Një raport ka zbuluar se anëtarët e Shërbimit Federal të Mbrojtjes së Putinit janë ‘përgjegjës për mbledhjen e mbeturinave të tij trupore’ në pako të posaçme, të cilat mbahen brenda një valixheje të dedikuar derisa të kthehen në Rusi.
Shëndeti i Putinit ka qenë në qendër të shumë spekulimeve veçanërisht muajt e fundit gjaët pushtimit të Ukrainës duke përfshirë aludimet se ai vuan nga kanceri dhe nga sëmundja e Parkinsonit. Ky zbulim i fundit supozohet se është mënyra e Putinit për t’i mbajtur të fshehta problematikat e tij të mundshme shëndetësore.
Sipas dy gazetarëve investigativë të revistës franceze të lajmeve Paris Match, mbledhja e jashtëqitjeve të Vladimir Putin është pjesë e punës së Shërbimit Federal të Mbrojtjes, pasi ata kanë për detyrë të mbrojnë zyrtarët e lartë shtetërorë me çdo kusht.
Gazetarët Regis Gente, i cili shkroi dy libra mbi Rusinë dhe Mikhail Rubin, i cili ka mbuluar aktualitetin ruse për më shumë se dhjetë vjet, thonë se dy shembuj të koleksioneve të jashtëqitjeve të Putinit ishin të vizitës së Presidentit në Francë më 29 maj 2017 dhe në Arabinë Saudite në tetor 2019.
Në të dyja këto raste, supozohet se Putini ose kishte marrë me vete një tualet privat gjatë udhëtimeve, ose se ai shoqërohej në banjë nga disa roje. Një teori tjetër është se ai përdor një ‘porta-potty’ kudo që shkon.
Një shembull tjetër mund të jetë në dhjetor 2019, kur Putini u pa duke shkuar në tualet me gjashtë truproja ndërsa ishte në një samit të Ukrainës në Paris. Udhëheqësi rus, 67-vjeçar në atë kohë, u filmua duke dalë nga banja pasi pesë truproja u siguruan që jashtëqitjet e tij ishin të sigurta.
Farida Rustamova, një ish-gazetare e BBC-së, gjithashtu konfirmoi raportin duke shpjeguar në Twitter se një burim i saj, i cili thuhet se është një i njohur i vjetër i Putinit, tha se ai ka marrë tualetin e tij në udhëtime jashtë vendit që nga fillimi i këtij rregulli.
Shëndeti i Putinit ka qenë objekt spekulimesh prej disa kohësh. Raportohet se Spitali Qendror Klinik në Moskë, i cili trajton politikanë të lartë, kishte nënshkruar një marrëveshje me katër hotele në resortin e Soçit në Detin e Zi, ku Putin ka një rezidencë verore.
Thuhet se një ekip mjekësh do të udhëtojnë deri në Soçi sa herë që presidenti rus qëndron në pallatin e tij në qytet. Midis 2016 dhe 2020, onkologu i lartë Dr Shcheglov thuhet se fluturoi në Soçi 59 herë, duke kaluar 282 ditë me Putinin. Kolegu i tij, Dr Selivanov, udhëtoi në Soçi të paktën 35 herë në të njëjtën periudhë për gjithsej 166 ditë.