Presidenti rus Vladimir Putin mund të ketë një kancer në tiroide.
Kështu është shprehur një shkrim i publikuar nga një media investigative ruse, Proekt.
Media e drejtuar dhe themeluar nga Roman Badanin në 2001, fituese e disa çmimeve ndërkombëtare, në një artikull mbi presidentin Putin ngelet gjatë tek shëndeti i tij, duke zbuluar listën e gjatë të mjekëve që rrethojnë presidentin.
Informacionet mbi shëndetin e tij kanë qenë gjithmonë shumë të kufizuara, që në fillimin e karrierës së tij politike, por sipas Proekt kohët e fundit grupit të mjekëve si është shtuar një kirurg i njohur i kancerit në tiroide, që sipas medias në fjalë e ka vizituar disa herë.
Nuk është hera e parë që flitet për një sëmundje serioze të Putin, veçanërisht pas vendimit të tij, i papritur edhe nga rrethi i tij më i ngushtë ndaj Ukrainës.
Por serioziteti i një media si Proekt detyroi për herë të parë Kremlinin të përgjigjet zyrtarisht. Ishte vetë zëdhënësi i tij, Dmytry Pescov, që përgënjeshtroi lajmin duke e cilësuar si të pavërtetë.