Nëpërmjet një vieoje të publikuar për Ditën Ndërkombëtare të Gruas, Presidenti i Rusisë, Vladimir Putin u dha një mesazh grave ku tha se rekrutët dhe rezervistët nuk po thirren për të luftuar në vijën e frontit në Ukrainë.
“Më lejoni të theksoj se ushtarët që kryejnë shërbimin ushtarak, nuk marrin dhe nuk do të marrin pjesë në armiqësi… Për detyrat e caktuara zgjidhen vetëm ushtarakë profesionistë”, u shpreh ai në videon e publikuar më 8 mars.
Me anë të këtij mesazhi, Putin duket se kishte për qëllim të zbuste shqetësimet e supozuara të grave ruse.
“Unë e kuptoj se sa shqetësoheni për të dashurit tuaj”, vijoi Putin, duke vlerësuar “besnikërinë dhe mbështetjen” e grave.
“Ju e bëni botën më të mirë falë ndjeshmërisë, dhembshurisë dhe bujarisë suaj shpirtërore”, shtoi ai.